علاء عنده 17 سنة دلوقتي بس كان لحد وهو عنده 7 سنين مكنش بيتكلم ولا بيتحرك. عنده 3 أخوات وجوزي فلاح على باب الله. مره تاه ومعرفش يرجع البيت علشان كده عملنا وشم على دراعه بيقول اسمه ورقم تليفونا علشان لو حصل كده تاني. لما عرفنا بالمركز، أبله فاطمة قالتلي هاتيه فوراً وبدأت الأبله معاه في الجلسات واحدة واحدة.. دلوقتي بقى عارف اسمه وعارف كام لون وبيتكلم وبقى كمان يعرف ميعاد الجلسة لوحده ويروح … مبسوطة أوى إن ابني بقى يعرف يعتمد على نفسه وإني دلوقتي اقدر اعتمد عليه بالرغم من إعاقته الذهنية“.

أم علاء من محافظة المنيا

من مشروع وحدات التأهيل بالتعاون مع الهيئة القبطية الانجيلية.